కాలం!

కాలమెపుడూ పరిగెడుతూనే వుంటుంది.
నువ్వు విశ్రాంతి తీసుకుంటానంటే
తనాగిపోదు.
కాలమెపుడూ మారుతూనే వుంటుంది.
నువ్వు ఒకేలా వుంటానంటే
తనూరుకోదు.
కాలమెపుడూ ముందుకే పయనిస్తుంటుంది.
నువ్వు గతపు తీపి జ్ఞాపకాల్లోనే జీవిస్తానంటే
తను సహించదు.

కాలమిన్ని చెప్పినా నువ్వు లెక్క చేయక,
కలకాలం యిలానే ఉంటానంటే,
నీ సమకాలం నిన్ను వెలేస్తుంది!
నీ సమాజం నిన్ను బలిస్తుంది!

అందుకే;
మాటాడగలిగీ మాటాడలేని,
చెప్పగలిగీ చెప్పలేని,
చేయగలిగీ చేయలేని,
ఓ సమర్థాసమర్థ యువకా!

కాలంతో సాగిపో!
కాలంలా మారిపో!
ప్రతి కాలంలో నిలిచిపో!!